بالأدبي : العنفوان...

بنشاب : كتبت المبدعة ديده البرناوي : 

هَمُّ يِسْتَعْگَدْ ذاكْ و ذاكْ == و أمْعاكْ إٍمَنْجَطْ لخلطْ هَاكْ
بأطْرگْ ماهِ من مستواكْ، == انت مستواكْ أبْيَمُّ..
يَعْرَفْ حَدْ امْحَاذيهْ ادْرَاكْ == و يَعْرَفْ ذَاكْ الْمَاهْ امْخَمُّ 
عَنُّو لَرَاژْ اعْنَادْ امْعَاكْ == مَكْبُوبَ  صَدْگتْ بَعْدْ امُّ
يَعَزيزْ اتْواطَ عَفَاكْ == و اتْگدْ، اتواطيك اخْلمُّ
مَاشِ فوگْ اطْرگْ منْ مَزَّاكْ == و لاَترْفدْ عَيْنَكْ مَاجَمُّ
لِنْجَزاتْ الْخَلِّيتْ أُورَاكْ == الْ گَبْلَكْ كَانُ يِرْتَمُّ 
ولا گَابظْ خَطْرَكْ عَاگبْ ذاك == فالشهامة گالبْ كمُّ
وامْنَيْنْ إِفُوتْ إِلَ يِگْدمْ ==شَوْرَكْ لاَهِ إيِبْردْ سمُّ
تَتْلَگَّالُ خَيْبَاتْ اگْتَمْ == وتْفَشْوَلْ ذَ فُرْ الهَمُّ..

Dida Barnaoui